Nuujts

't Mertsjpektakel Blief Binne!

door Mertsjpektakel | 30-03-2020

In fibberwarie sjtónge v’r allemaol nag sónger zorg vastelaovindj te viere, mer diek ein maondj later zuut ’t d’r gans anges oet! Terwiel de miense in de vitale beroepe keihel wirke, kènne veur nieks anges doon den thoes blieve! De vastelaovindj blief biej oetsjtek ein periode wo idderein mit veul plezeer aan truuk dinkt, en precies det plezeer wille veur gaer in eur hoeskamer bringe.

Veur höbbe ein aantal artieste bereid gevónje óm sjpesiaal veur uch ein filmpke op te naeme. Óm uch te ammezere of ein werm hert toe de drage! Kiek op ós Facebookpagina veur al dees filmpkes, ze zin te vinje in de aafsjpeellies; 't Mertsjpektakel Blief Binne!

’t Mertsjpektakel blief binne, en geur ouch! Deze is veur alle kanjers in de vitale beroepe en veur idderein dae thoes blief!


Guido Frissen vervangt Ken & Bob

door Mertsjpektakel | 03-02-2020

Helaas höbbe v'r te heure gekrege det Ken & Bob eur optraeje tiedes 't Mertsjpektakel aaf mótte zègke.. Dus zin v'r sjnel opzeuk gegaon nao ein waerdige vervanger en dae höbbe v'r gevonje!

Neemes minder es Guido Frissen, bekènd van Schintaler, zal om 14:30 de buun van 't Mertsjpektakel betraeje. Same mit Schintaler haet d'r väöl hits op zien naam sjtaon worónger 'Greumelevlaai', 'Veer höbbe zin drin' en 'Welkom in Limburg'. Oeteraard treujd Guido nag op mit väöl leedjes van Schintaler, aangevöld mit fris, nuuj materiaal.


Programma 2020

door Mertsjpektakel | 02-01-2020

O.A. DE ROERDASSEN, CHRISTEL & QUINN EN BEPPIE KRAFT SJTAON OP 'T MERTSJPEKTAKEL!

Noe hove v'r nimmeer te zjwiege euver 't programma van 't Mertsjpektakel 2020! Op 23 fibberwarie sjtaon De RoerdassenBeppie KraftChristel en QuinnAndy en Royde ToddezèkRalph Wolters, Ken & Bob, Marjolein Heijltjes als Helene Fischer, de Fob Bagge(r) Bend & ós eige hoeskepel Joekskapel Aan Dae Reem oppe buun!

Zeen v'r uch op vastelaoveszónjig tiedes 't Mertsjpektakel oppe Mert in Zjwame?


Programma 2019

door Mertsjpektakel | 03-01-2019

Biej deze kónne v'r 't programma veur 't Mertsjpektakel 2019 in ein keer bekènd make!

Dit jaor sjtaon neemes minder es: Bjorn & MiekeBig BennyLa BambaRonald en CarienDe BreurkesBjörn van Berkel & Joekskapel Aan Dae Reem oppe buun! 

't Mertsjpektakel vinjt dit jaor plaats op vastelaovezónjig 3 meert in de tent van 't Zjwamer Tentsjpektakel.


Poster Mertsjpektakel 2018

door Mertsjpektakel | 02-01-2018

Veur haope det ederein eine gezellige kers haet gehad en good aad en nuuj haet gevierd!

Noe make veur ós klaor veur de échte feesdaag, wovan zónjig 11 fibberwarie d'r eine is. Den is ouch 't 13e Zjwamer Mertsjpektakel van 13.30 toet 18.00 oer oppe Mert!

't Programma höbbe veur in gedeiltes bekènd gemaak en biej deze krieg geur 't helemaol kómpleet in de vorm van de nuje poster!


Aafsjied...

door Mertsjpektakel | 14-10-2017

De vlag hink half sjtok...

Zjwame haet eine sjone miens verlaore. Eine echte dörpsmiens dae zich veur 'zien' Zjwame sjterk maakte.

Henk, doe bös väöl te vreug van ós haer gegaon, mer zals altied in ós hert blieve!

 


De Mert

Zjwame

23 fibberwarie 2020

13.30 – 18.00 oer

Vrieje toegank

2500 plaatse

In samewirking mit

de Mertkasteleins