Organizasie

Organizasie

De organizasie van 't Mertsjpektakel besjteit oet de óngersjtaonde miense. Klik op ein van de foto's óm ouch ein perseunlik verhäölke te laeze.

In samewirking mit de Zjwamer Mertkasteleins - 't Kesjotje, De Mert, De Geitesjtal en De Plevuus - zorge ziej d'rveur det 't Mertsjpektakel eder jaor weer op vastelaoveszónjig plaatsvinjt!

Roy  Smeets

Roy Smeets

Organizator van 't eerste oer

Roy  Smeets

Roy Smeets

Organizator van 't eerste oer

Al in de boek van mam vierde ich vastelaovindj! Dus doe moogs waal zègke det ich eine vastelaovesvierder in hert en nere bön. 't Ging mich den ouch aan mien hert det d'r op vastelaoveszónjig nieks te doon woor in Zjwame. Ich bön dus erg bliej det veur dao mit 't Mertsjpektakel verangering in höbbe kènne bringe. Ein waar festijn mit ein lekker glaas beer veur ederein dae van vastelaovindj hèlt en inmiddels neet meer binne de Zjwamer vastelaovindj weg te dinke! Veur zeen ós mit 't Mertsjpektakel!

Huub 'Bair'  Custers

Huub 'Bair' Custers

Organizator van 't eerste oer

Huub 'Bair'  Custers

Huub 'Bair' Custers

Organizator van 't eerste oer

Naodet ich jaore de vasteloavindj 'privé' höb gevierd, bön ich in 1985 prins gewaes van V.V. de Hopsjlokkers. Toen haaj 't vieres mich ech te pakke! Veur det 't Mertsjpektakel d'r woor, waerde door de kasteleins aan de Mert op de zónjigmiddig get artieste oetgeneudj. Helaas waas de Mert toen net zo laeg es op de foto… Daoróm höbbe veur ós samegepak óm d'r ein giganties fees van te make. Haopelik zeen veur dit jaor nag meer miense es 't aafgeloupe jaor. Toet zónjig mit de vastelovindj!

Thuur  Tegels

Thuur Tegels

Organizasie

Thuur  Tegels

Thuur Tegels

Organizasie

Al veur ich kós loupe, 'leep' ich al mit in de optoch, biej pap en mam in de kinjerwage! Det de vastelaovindj mich mit de paplaepel is ingegaote, moog dus waal gezag waere. Vastelaovindj viere is 't sjoonste waat d'r is, zeker in eige dörp. Dus toen ze mich vroge óm mit te kómme helpe biej 't Mertjpektakel, hoofde ich neet lang nao te dinke. Veur zeen ós biej 't Mertsjpektakel!

Flor van den Groenendal

Flor van den Groenendal

Organizasie

Flor van den Groenendal

Flor van den Groenendal

Organizasie

Toen ich opgruijde heurde vastelaovindj viere d'r altied biej. Doe moogs dus waal zègke: jónk geleerd is aad gedaon! 't Is 't sjoonste óm vastelaovindj te viere in Zjwame. Ich bön d'r den ouch heel erg greuts op det ich in 2018 prins van V.V. de Hopsjlokkers höb moge zin! De vastelaoveszónjig is door 't Mertsjpektakel ein groot fees en jaorelang höb ich det zelf altied bezóch. Toen ich gevraog waerde óm biej de organizasie te kómme, hoofde ich gaar neet te twiefele. Veur zitte ós d'r same veur in óm d'r ouch dit jaor weer ein geweldig Mertsjpektakel van te make!

Jurre  Janssen

Jurre Janssen

Organizasie

Jurre  Janssen

Jurre Janssen

Organizasie

Eigelik haaj hiej mótte sjtaon wie sjoon Jurre de vastelaovindj in Zjwame vinjt en det hae bliej is óm deil oet te make van de organizasie. Mer ja, Jurre haet (nag sjteeds) gein sjtökske euver zichzelf aangeleverd, dus noe mós se 't hiejmit doon. Det maak verder neet väöl oet, want zo-es se kèns zeen is hae gelökkig waal de sjoonst verkleijde van de organizasie. Oh wach, ouch det is helaas neet gans gelök… Mer verder höbbe veur nieks aan te merke en zin veur bliej mit de subsidie die veur veur hem óntvange. Óm 't in ónvervals Zjwaams te zègke: keep up the good work, Jurre! ;-)

Aimee  Baars

Aimee Baars

Prizzentasie

Aimee  Baars

Aimee Baars

Prizzentasie

Van jóngs aaf aan höb ich altied gaer vastelaovindj gevierd! Eers in Mofert, wo ich gebaore bön, mer naodet ich haaj óntdek wie gezellig 't hiej in Zjwame is, wil ich nörges angers meer haer! Ich veul mich vereerd det ich dit jaor weer opnuuj 't Mertsjpektakel moog prizzentere en ich bön greuts op 't gave programma en de organizasie die 't elk jaor super duit! Veur zeen ós op vastelaoveszónjig oppe Mert!

Luuk  Cuijpers

Luuk Cuijpers

Organizasie

Luuk  Cuijpers

Luuk Cuijpers

Organizasie

Al sins de eerste edisie sjtóng ich es klein kindj veuraan taege 't hèk geduudj, óm 't Mertsjpektakel vanaaf de eerste riej mit te make! Op det moment realiseerde ich mich neet det ich jaore later, tiedes de 11e edisie, zelf op det podium zooj moge sjtaon es óngerdeil van de organizasie. Daonaeve vier ich de vastelaovindj gaer in 't dörp en zal ich uch dao vas en zeker taege kómme, mer 't leefs zeen ich uch op vastelaoveszónjig biej 't Mertsjpektakel!

Wiek  Doezen

Wiek Doezen

Besjermingel

Wiek  Doezen

Wiek Doezen

Besjermingel

'Es se 't mer wils, den lök 't', det woor Wiek ziene liefsjpreuk. En óf 't gelök is! Dankzij Wiek is 't Mertsjpektakel ein groot fees in en van Zjwame. Wiek, bedank veur alles waas se veur ós en Zjwame höbs gedaon! Veur misse dich…

Henk 'Plevuus'  Tegels

Henk 'Plevuus' Tegels

Besjermingel

Henk 'Plevuus'  Tegels

Henk 'Plevuus' Tegels

Besjermingel

Zjwame haet ein markant figuur en ech dörpsmiens verlaore, dae zich veur 'zien' Zjwame sjterk maakte. Op vriedig de 13e in oktober 2017 ging 't leech neet aan en bleef 't rólgerdien dich… De Plevuus, wit van boete en broen van binne. Henk, eine man mit ein klein kefee en ein heel groot hert. Väöl te vreug van ós haer gegaon, mer veur altied in ós hert!

De Mert

Zjwame

3 meert 2019

13.30 – 18.00 oer

Vrieje toegank

2500 plaatse

In samewirking mit

de Mertkasteleins